بە ڕاپۆرتی ئاژانسی هەواڵی مێهر، پەنجاهەمین کۆبوونەوەی ئەنجومەنی وەزیرانی ڕێکخراوی هاوکاری ئیسلامی لە ڕۆژانی هەشت و نۆی خەرمانان لە یایوندە، پێتەختی کۆماری کامێرۆن بەڕێوە چوو.
بابەتی سەرەکی کۆبوونەوەکە" گەشەی ژێرخانەخانەکانی گواستنەوە و پێوەندی نێوان وڵاتانی ئەندامی ڕێکخراوی هاوکاری ئیسلامی دیاری کرابوو.
لە ئەو کۆبوونەوەی شاندێک بە سەرپەرشتی ئەسەدوڵڵا ئێشراق جەهرومی، بەرپرسی گشتی ئاشتی و ئاسایشی نێودەوڵەتی وەزارەتی دەرەوە لەلایەن کۆماری ئیسلامی ئێرانەوە بەشداری کرد و لێدوانی دا.
ئێشراق جەهرومی نیگەرانی قووڵ و ئیدانە کردنی توندی دەستدرێژی و جەنایەتە نامرۆڤانەکانی ئیسرائیل لە دژی خەڵکی فەلەستین و تیرۆری شەهید ئیسماعیل هەنیە دەربڕی و داوای هەوڵی بەپەلەی کۆمەڵگای نێودەوڵەتی و ڕێکخراوی هاوکاری ئیسلامی بۆ ڕاگرتنی کارەکانی ئەو ڕژێمە بۆ جەنایەتی جەنگی و جەنایەت لە دژی مرۆڤایەتی و کۆمەڵکوژی لە غەززەی کرد.
نوێنەری ئێران هەروەها بە ئاماژە بە پێداویستی سەرەنجدان بە ڕیشەکانی نائەمنی و قەیران لە ناوچەی ڕۆژاوای ئاسیا جەختی کرد: ئیسرائیل لەمپەری سەرەکی گەییشتنی ناوچەکە بە سەقامگیری و گەشەی پاوەجێیە و هەوڵ و سیاسەتە ناسەقاگیرکەرەکانی ئەو ڕژێمە لەمپەرەی بنەڕەتی بۆ هاوکاری نێوان وڵاتانی ئیسلامی و دروست کردنی یەکگرتوویی ئابووری ناوچەیی نێوان وڵاتانی ئەندامی ڕێکخراوی هاوکاری ئیسلامی وەسف کرد.
Your Comment